ඉතිහාසය

            මධ්‍යම පළාතේ , නුවරඑළිය දිස්ත්‍රික්කයේ , හඟුරන්කෙත කලාපයේ , වැලිකඩ ප්‍රදේශයේ, අධිකාරිගම මෙම පාසල නූ/හගු/ ඉඩමලන්ඳ නමින් ආරම්භ කරන ලදී. මෙම ඉඩම පරිත්‍යාග කරන ලද්දේ ගගවටකෝරළේ මහත්මයා විසිනි .1938 සැප්තැම්බර්  01 වන දින මෙම  විද්‍යාලය නූ/හගු/ ස්වර්ණදීප ප්‍රාථමික විද්‍යාලය ලෙසින් නම් කරන ලදී .පාසලට ප්‍රථමයෙන් ඇතුළුවූ සිසුවා වනුයේ ඒ . එන් . පුංචි නෝනා නැමති සිසුවා බව වාර්තා වේ .සිසුන් පනස් එක් දෙනෙකු ගෙන් ආරම්භ කළ පාසලේ පළමු  විදුහල්පතිවරයා වූයේ ටී.බී. රත්නායක මහත්මයා ය.
            ගුරුවරුන් සහ ආදි සිසුන් වැනි පාසලට සම්බන්ධ පාර්ශවයන් ගේ කැපවීම සහ කැපවීමේ ප්‍රතිඵලයක් ලෙස 1950 සිට පාසල සාපේක්ෂ වශයෙන් ප්‍රගතියක් ලබා ඇති බව බොහෝ දෙනා විශ්වාස කරති .සිසුන් විශ්වවිද්‍යාල වරප්‍රසාද ලබා ගැනීම ,පිළිගත් රැකියා සඳහා ප්‍රවේශවීම වැනි දෑ තුළින්  පාසලේ ගුණාත්මක සංවර්ධනය අවබෝධ කරගත හැකිය .
පසුව ඉදිකරන ලද නු/හගු/ වික්ටෝරියා ජාතික පාසල ලෙස වර්තමානයේ හදුන්වනු ලබන පාසල පිහිටා ඇත්තේ ඉහත කී පාසලේ සිට බදුල්ල මහනුවර, රජමාවත ,බදුල්ල දෙසට සැතපුමක් පමණ දුරිනි.හඟුරන්කෙත ,මයිලපිටිය , කීර්තිබණ්ඩාරපුර අඹේවෙල, මේරිමවුන්ට් වැනි ප්‍රදේශවල දරුවන්ට පහසුවෙන් ප්‍රවේශ විය හැකි ළඟම ජාතික පාසල මෙයයි.පාසලේ දැනට සිසුන් 650 සහ ගුරුවරුන් 50ක් පමණ සිටිති .
            සමස්තයක් වශයෙන්,2020 වසර වන විට 82 වැනි උපන් දිනය සමරන පාසලක් වශයෙන් දීර්ඝ ඉතිහාසයකට උරුමකම් කියනු ලබන අතර පාසලේ නමට පාසල අසල වූ ජලාශයේ නම එකතු කිරීමත් සමග පාසලේ ප්‍රතිරූපය  ධනාත්මකව පරිවර්තනයකට ලක් වූ අතර ගුරු සිසු දෙමව්පියන් සහ ආදි ශිෂ්‍ය බලධාරීන්ගේ අවධානයට හා ගෞරවයට පාත්‍ර වූ මෙම පාසල ජාතික පාසලක් බවට පත් කරනු  ලැබුවෝය.
            අද වන විට අක්කර  14 ක භූමි ප්‍රමාණයක ව්‍යාප්ත පවතින පාසල  ක්‍රීඩාංගණයක් සහ මහින්දෝද විද්‍යාගාරයක් ඇතුළු ගොඩනැගිලි හයකින් සමන්විත වේ.එමගින් පාසලේ  ගුණාත්මක සංවර්ධනයක් සිදුවී ඇති බව රහසක් නොවේ .වෙනත් පාසල් වලට නොගොස් සෑම අංශයකින්ම අධ්‍යාපනික දක්ෂතාවන් දක්වන සිසු පිරිසක් අප පාසල සතුව පවතී .නිර්මාණශීලී සහ කැප වූ ගුරුභවතුන් අතර වර්ධනය වන ධනාත්මක අන්‍යෝන්‍ය අවබෝධය වික්ටෝරියා ඉතිහාසයට යහපත් දේ එකතු කරනු ඇත